Jæja góðan daginn

Nú hafa kynbóta og keppnishrossin hér staðið í rúmar 4 vikur vegna pestarinnar en önnur tamningatryppi hafa verið í þjáfun. Einkennin hafa þó verið ákaflega væg hér, aðeins nefrennsli og 2 hross hóstað. Hins vegar erum við farin að reyna byrja rólega aftur, mörg hross koma vel undan fríi og hefur ekkert hross farið að hósta við aukna þjálfun sem er mjög svo jákvætt.
Melodía frá Árgerði er nú köstuð og kom hún með bleikálóttan hest undan Fróða frá Staðartungu, gullfallegan.  -mynd kemur von bráðar.
Einnig er búið að fortemja öll veturgömlu tryppin, og má segja að þessi árgangur sé ótrúlega efnilegur.

Kindurnar fengu sitt frelsi í gær þegar rekið var upp á fjall.

Hluti af kindunum áður en rekið var upp á fjall

Margir fóru með upp á fjall.

Annars höfum við athugað annað slagið núna hvort við séum ekki örugglega stödd á Íslandi, miðað við þessa veðurblíðu sem við höfum haft. Nú í næstu viku er spáð allt að 25 stiga hita


Smelli hér inn einni sumarmynd af Sindra Snæ í lokin

Kveðjur frá Litla-Garði & Árgerði