Sælir kæru lesendur.

Haustið er komið og litadýrð náttúrunnar ásamt norðurljósadýrð gleður augað þessa dagana. Veðrið er milt, mun mildara en það var á hásumri og tökum við því svo sannarlega fagnandi.

Jenný Karlsson hefur bæst í okkar hóp og bjóðum við hana hjartanlega velkomna en hún ætlar að aðstoða okkur við frumtamningar í haust.

Jenný og Biggi að snúast í kringum hrossin.

Hrossasmölun var síðustu helgi og gekk með ágætum.

Fullar heimtur voru á hrossum og spennandi tímar framundan í hesthúsinu, en alls 15 hross þarf að frumtemja frá Árgerði og Litla-Garði. 

Við fengum góðan gest frá Austurríki en Höskuldur Aðalsteinsson gaf sér tíma til að koma með okkur í hrossasmölun og réttir og dvaldi hjá okkur í nokkra daga.

Höski og Biggi í miklum pælingum.

Stína, Biggi, Höski og Óskar yfirbókhaldari :)

Stóðið á réttinni.

Stóðið rekið heim. 

Og síðan var borðað og borðað og borðað :)

Hluti af frumtamningartryppunum.

 Þessi töffari er kominn heim frá Arnbjörg Borgarfirði en þar eyddi hann sumrinu í góðu yfirlæti með fullt af glæsihryssum. Við erum ekki endanlega búin að fá fyljunartölurnar en það er óhætt að segja að það stefni í upp undir 100 % fyljun hjá Gangster og eru það góðar fréttir fyrir hryssueigendur :)

Við munum á næstu vikum kynna fyrir ykkur frumtamningartryppin en í þeim hóp eru a.m.k átta undan Gangsternum okkar, fullt af spennandi efnivið.

Þangað til næst.

Lifið heil!

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

Sælir kæru lesendur.

Já það er langt um liðið frá síðastu skrifum en sumarið er stuttur tími og trúlega aldrei verið jafn stutt og í sumar vegna kulda og tíminn æðir áfram. Við náðum þó ágætis heyjum og erum í góðum málum varðandi komandi vetur.  Ýmislegt hefur verið brasað frá síðustu skrifum, tamingarstöðin hefur verið á fullum snúning, féð er komið heim og voru heimtur góðar í fyrstu göngum.

Sindri og Óli sáttir með göngurnar.

Tvö mót Stórmót Funa og Bæjarkeppni Funa voru haldin í ágúst sem gengu ágætlega. Biggi fór með Vísi í B flokkinn og urðu þeir í þriðja sæti á stórmóti Funa og hlutu sigur úr bítum í gæðingakeppni Funa sem var haldin samhiða.

Jóhanna stóð sig vel með Karen frá Árgerði en náðu þær fjórða sæti í A flokk á stórmóti Funa sem var einnig gæðingakeppni Funa í leiðinni og urðu þær efstar  fyrir Funa.

        Þær gerðu sér lítið fyrir og sigruðu einnig kvennaflokkinn á bæjarkeppni Funa.

Jakob á bæjarkeppni Funa á hestinum Jarl frá Árgerði en þeir náðu sér í þriðja sætið í karlaflokknum.

Jóhanna og Jacob tamningarteymið okkar hætti störfum hér 1 sept og flaug á vit ævintýranna suður á land til að byrja með en síðan er stefnan tekin á Holland þar sem að þau ætla að koma undir sig fótunum  og stunda tamningar, járningar, námskeið og fleira í þeim dúr.

 Þökkum við þessu frábæra fólki fyrir vel unnin störf í Litla-Garði og óskum þeim velfarnaðar á nýjum slóðum.

Biggi og Eldborg frá Litla-Garði að þeyta frumraun sýna í Aflokki gæðinga á stórmóti. 

Eldborg vakti mikla athygli hvar sem að hún kom fram þetta árið, skellti Biggi sér með hana á bæjarkeppnina og hlutu þau sigur úr bítum.

Það er erfitt að gera upp á milli mynda af þessari 5 vetra prinsessu þannig að þær fá nokkrar að fljóta með.

Eldborg á bæjarkeppni Funa.

Sindri gerði það gott á stórmótinu og landaði fyrsta sæti.

Tónn og Sindri koma alltaf sterkir inn :)

Einkunn til sigurs. 8,64, ekki amarlegt það.

Sindri ákvað að gefa Tóni frí og fór með Vísir frá Árgerði á bæjarkeppnina. Höfnuðu þeir í öðru sæti, sáttir með það í sinni fyrstu keppni saman.

Biggi fór með tvær hryssur á síðsumarsýningu á Sauðárkróki og fór Kvika frá Árgerði yfir áttuna báðum megin og er því komin með fyrstu verðlaun. 

Kvika hlaut 8,06 fyrir byggingu 8,08 fyrir hæfileika ae 8,07. Kvika er undan Blæ frá Hesti og Nös frá Árgerði.

Orka frá Hólum hækkaði sig einnig ágætlega. Hún hlaut 7,79 í byggingu, upp undir fyrstu verðlaun fyrir hæfileika eða 7,98 a.e 7,91. Er því örstutt í að þessi efnishryssa skelli sér yfir í fyrstu verðlaun, óskum við eiganda hennar, Lenu Höller til hamingju með mikinn efnivið.

Við taka hausttamningar í Litla-Garði og fær Biggi aðstoð frá sænskri stúlku sem er væntanleg fljótlega. Tíu 3ja vetra tryppi þarf að frumtemja að stóðréttum loknum fyrir utan það sem tilfellur frá viðskiptavinum okkar. 

Frúin heldur áfram að vinna á meðferðarheimilinu Laugalandi, syngja með Hymnodíu,  fara á vinnutengd námskeið og sinna því sem sinna þarf heima fyrir. Þannig að hér ætti engum að leiðast.

 Nanna Lind er flutt heim á ný og er komin í viðskiptafræði í Háskólanum á Akureyri. Sindri Snær er komin í sjöunda bekk og byrjaður í boltanum á ný með KA.

Enda hérna á einni skemmtilegri mynd sem tekin var í sumar af Magna með barnabarnabörnin tvö í fanginu, þau Viktoríu Röfn og Magna Rafn. Þetta eru gullmolarnir hans Hafþórs Magna og Heiðar.

Barnabarnið Sindri stendur til hliðar. Magni hefur það gott á Elliheimilinu Hlíð og sendir kærar kveðjur til ættingja og vina.

Bestu kveðjur frá Litla-Garði

Við erum farin að líta í kringum okkur eftir góðu tamningarfólki fyrir veturinn 2016. Viðkomandi þarf að hafa góða reynslu af tamningum, vera sjálfstæður og drífandi í vinnu. Góð aðstaða, frábær hross, og séríbúð fyrir viðkomandi. Upplýsingar eingöngu gefnar í einkaskilaboðum eða í síma 896=1249 Stefán Birgir   Myndirnar sína m.a hross sem verða á húsi í vetur.

Vinsamlega deilið.

We have started to look for a very good trainer from janúar 2016 for least 6 month.  The person must be able to work independently and have good experience in icelandic horses. Good facilities for training, very good horse, a studio apartment for training people. Very good opportunity for people who want  more experience.

Information in private messages or [email protected]

ps. pictures of several horses that will be stable next winter.

 Please share.

Eldborg frá  Litla-Garði

Gangster frá Árgerði

Óðinn frá Árgerði

Mirra frá Litla-Garði

Gletting frá Árgerði

Litli-Garður 601 Akureyri North Iceland Stefán Birgir Stefánsson 896-1249 & Herdís Ármannsdóttir 863-3311 [email protected]

........................................................................................................................................

Hin fasmikli og flugrúmi gæðingur  IS-2006.1.65-663 Gangster frá Árgerði væntanlegur í Borgarfjörðinn!

Tekið verður á móti hryssum undir Gangster frá Árgerði laugardaginn 27. júní, eftir hádegi að Arnbjörgum Mýrum Borgarfirði.
FULLBÓKAÐ er undir hann fyrra gangmál, enn er hægt að panta pláss á seinna gangmálið. Reiknað er með að sónað verði frá honum seinnipartinn í júlí og fleiri hryssum bætt við.

Gangster er einstakur gæðingur sem hefur náð frábærum árangri bæði í A-flokki (8,91 í milliriðill LM 2014) í B-flokki (8,55 í forkeppni og 8,69 í úrslitum) og kynbótadómi þar sem hann er með 8,63 í aðaleinkunn og 8,94 fyrir hæfileika.
Jafnvígur, geðgóður, rúmur, faxprúður og skrefmikill klárhestur með flugskeiði.
Gangster vakti mikla athygli á landsmótinu 2014 fyrir sitt frjálsa fas og miklu úrgeislun. Þar steig hann sínu fyrstu spor í gæðingakeppni A flokks ,var fimmti hæsti eftir forkeppni, annar eftir milliriðil og endaði í sjötta sæti í sterkasta A flokki sögunnar.
Gangster er undan Heiðursverðlaunahestinum Hágangi frá Narfastöðum og er hæðst dæmda afkvæmi hans. Hann er undan Snældu-Blesadótturinni Glæðu frá Árgerði, en hún á 4 önnur sýnd afkvæmi, öll í fyrstu verðlaunum.
Helsti kostur Gangsters frá Árgerði er hve jafnvígur hann er á öllum gangtegundum, með frábært brokk og fet eins gæðingum í dag sæmir. Gangster er glæsilegur í framgöngu, fangreistur og faxprúður. Á gangi er hann skrefstór, flugrúmur og öflugur.

Gangster er langræktaður hestur úr ræktun sem byggir á gömlum grunni og hefur um árabil verið þekkt fyrir gott geðslag og eðlisgæði.

Þrátt fyrir ungan aldur á Gangster nú þegar tvö fyrstu verðlauna afkvæmi.
Verð á folatoll. 145,000 Innifalið folatollur + vsk + girðingargjald og 1 sónarskoðun.

Pantanir og upplýsingar gefur Stefán Birgir í s 896-1249 & Arnbjörg Mýrum Borgarfirði í síma 898 8134 Gunnar & 771 6661 Guðni

LM 2014

Nú er nýafstaðin kynbótasýning og fór Biggi með sjö hryssur í fullnaðardóm.

 Hann fór einnig með tvær fjögra vetra bráðefnilegar hryssur í byggingardóm.

Auðrún frá Kommu 4ra vetra Klakadóttir hlaut í byggingardóm 8,63 sem var jafnframt hæðsta sköpulagseinkunn mótsins. Ekki leiðinlegt fyrir Vilberg í Kommu að eiga slíkan grip og framhaldið spennandi.

 (Eigum því miður ekki mynd af þessari fegurðardís.)

Hin hryssan sem fór í byggingardóminn var hin 4ra vetra Ópera frá Litla-Garði í eigu Gumma og Helgu á Akureyri.

Ópera 4ra vetra undan Óm frá Kvistum og Melodíu frá Árgerði.

Hlaut hún 8,16 í byggingu og er það einnig ágætis veganesti fyrir komandi tíð.

Af hinum hryssunum sjö sem Biggi sýndi fóru fjórar í fyrstu verðlaun og fóru þar með í fyrsta skipti yfir hinn alræmda 8,0 múr. Það er ekki hægt annað en að vera sáttur með  þær niðurstöður og er ekki allt fullsótt enn í þeim efnum.

Tókum við nokkrar myndir á yfirlitssýningunni í dag og dembi ég þeim hér inn.

Hreyfing frá Þóreyjarnúpi, móálótt hryssa undan Sólon frá Hóli

Kvika frá Árgerði, bráðefnileg hryssa undan Blæ frá Hesti og Nös frá Árgerði,  þessi á eftir að gera enn betur en hún sýndi þessa sýninguna, við kvíðum engu í þeim efnum.

Gangster átti tvö afkvæmi í brautinni þetta vorið.

Fyrst er það Orka frá Hólum sem Lena okkar á.

 Þessi bráðefnilega hryssa fór aðeins inn í sig við vallaraðstæður í sýningunni og fékk ekki þá einkunn sem vonir stóðu til. En bráðefnileg er hún og það kemur síðar.

Eldbrá frá Litla-Garði í eigu Jóhönnu okkar skilaði hins vegar sínu vel og fór beint í fyrstu verðlaun í fyrsta kasti. Hæfileikar 8,28 Bygging 7,78 A,e 8,08

Kemur betri mynd síðar af þessari flottu hryssu. Myndatökumaðurinn var annars hugar og gleymdi sér aðeins :) 

Á Gangster þá þrjú dæmd afkvæmi þótt ungur sé og tvö þeirra eru komin í fyrstu verðlaun, lofar það góðu upp á framhaldið.

Augnakonfektið Aldís frá Krossum stóð fyrir sínu og hlaut í byggingu 7,90, í hæfileika 8,08 Ae 8,01.

Aldís á dillandi tölti og komin með fyrstu verðlaun.

Dögun frá Akureyri í eigu Erlings Guðmundssonar Akureyri smellti sér einnig yfir í fyrstu verðlaun. Hún hlaut í byggingu 7,88 , í hæfileika, 8,25, Ae. 8,11

Síðust en ekki síst er það drottningin okkar Eldborg frá Litla-Garði.

 Hún er undan Kiljan frá Árgerði og Væntingu frá Ási 1. Þessi fimm vetra skutla fékk í byggingu 8,06, hæfileika 8,44 A.e. 8,29 þar af 9 fyrir samræmi, vilja og geðslag, fegurð í reið, og 9,5 FYRIR HÆGT TÖLT :) 

9,5 hægt tölt og stórglæsileg er hún í brautinni.

Erum við afar stolt af Eldborginni okkar sem þeytti sína frumraun á vellinum. Verulega spennandi tímar framundan og stefnan sett á fjórðungsmót.

Látum þetta duga í bili.

Lifið heil 

Hrossaræktarbúið Litli-Garður er í Eyjafjarðarsveit um 23 km sunnan við Akureyri. Í Litla-Garði búa Herdís Ármannsdóttir og Stefán Birgir Stefánsson og eiga þau 3 börn Hafþór Magna, Nönnu Lind og Sindra Snæ en einungis Sindri Snær er enn í hreiðrinu.

Segja má að ræktunin þeirra sé gamalgróin því nánast allar ræktunarhryssurnar eru frá Árgerði í Eyjafirði en rúmlega 50 ár eru síðan að Magni Kjartansson og Þórdís Sigurðardóttir hófu þar ræktun. 
Herdís er uppalin í Árgerði og eru þessi bú rekin að hluta til sem eitt.
Í dag er hægt að rekja allar ættir Litla-Garðshrossanna til Snældu (4154) frá Árgerði en hún stóð efst í flokki hryssna 6 vetra og eldri á Landsmótinu Skógarhólum 1978 . Á LM á Vindheimamelum 1990 hlaut hún heiðursverðlaun fyrir afkvæmi. Í dag er því ættbogi hennar orðin gríðarstór.
Í Litla-Garði fæðast 7 til 9 folöld á ári. Mikil áhersla er lögð á gott geðslag, fótahá og falleg hross með góðum gangskilum. Eru hross Litla-Garðhjóna ýmist kennd við Litla-Garð eða Árgerði. 
Hafa mörg afburðagóð kynbóta og keppnishross komið frá búunum á liðnum árum. Nýjasta stjarna og flaggskip búanna er Gangster frá Árgerði (a.e. 8,63).
Í Litla-Garði er rekin tamningarstöð allt árið um kring með tveimur tamningarmönnum auk Stefán Birgis. Hann sér um allar tamningar og sýningar fyrir búin, auk þess sem fjöldi aðkomuhrossa er alltaf í tamningu og þjálfun. Í Litla-Garði eru 30 einhesta stíur.
Litli-Garður hlaut titilinn ræktunarbú ársins 2014 hjá HEÞ. 

Gangster og Biggi á góðri stund.

Tónn frá Litla-Garði og Sindri Snær