Kiljansdóttirin

30.07.2014 21:35

Flygill frá Litla-Garði

Komið þið sæl.

Okkur langar að kynna fyrir ykkur 4ra vetra stóðhestinn okkar Flygil frá Litla-Garði.

Flygill er undan Fróða frá Staðartungu og fyrstu verðlauna Ófeigsdóttirinni Melodíu frá Árgerði. Jóhanna tamningarkonan okkar hefur verið að frumtemja Flygil og er hann einn af hennar uppáhalds. Næmur, geðgóður og mjög lofandi stóðhestur.

Myndarlegur foli :)

Hér ríkir fullkomið traust á milli manns og hests:)

Ekkert smá krúttleg saman :)

Á sparidögum er gaman að komast á Melgerðismela og spretta úr spori, Það reynum við að gera eins oft og hægt er enda dásamlegar útreiðarleiðir og mjúkt undir hóf.

Hér koma nokkrar hversdagsmyndir þaðan.

Sæl að sinni.

Jóhanna á Sónötu sinni :)

Sindri á Báru frá Árbæjarhjáleigu

Sindri og Tónn alltaf flottir saman.

Frúin skellir sér með og hefur gaman að :)

Herdís gefur Tóninn :)

Tónsi nýjárnaður og er líka með þetta flotta gula límband á hófunum :)

Snilldarmeri sem allir geta riðið á. Viðja frá Litla-Garði undan Kjarna frá Árgerði og Tíbrá frá Ási.

Er sko líka fyrir frúna :)

Skrifað af herdis

23.07.2014 17:55

Stóðhestar

Hryssueigendur athugið!

Kiljan frá Argerði

Upplýsingar um notkunarstaði stóðhestanna okkar.

Tristan frá Árgerði verður til afnota á Þrastarhóli 2 Hörgársveit frá 24 júlí fram í sept og hægt að bæta inn á hann hryssum hvenær sem er.

Flugrúmur gæðingur.

Verð 50.000, innifalið folatollur og hólfagjald.

Faðir Tristans er Orri frá Þúfu og móðir Blika frá Árgerði.

Hann hlaut í byggingu 8,21. fyrir hæfileika 8,46 Aðaleinkunn 8,36

Í A flokki gæðinga hefur hann farið í 8.71 og til gamans má geta að Tristan vann tvö ár í röð A-flokk á stórmóti Þjálfa á Einarsstöðum. Hann átti lengi vel besta tíma í skeiði gegnum reiðhöll Léttis og svo mætti lengi telja. Afkvæmi Tristans eru með ljúfa og trausta lund alhliðageng með góð gangskil. Þau eru stór og myndarleg og með góðan fótaburð og bera sig vel.

Uppl. í síma 899 6296 Magnús

Kiljan frá Árgerði er til afnota í Litla-Garði seinnihluta sumars. Það er einnig hægt að bæta inn á hann hryssum hvenær sem er. Verð 50,000 innifalið hólfagjald og folatollur.

Kiljan er mikill alhliðagæðingur sem hlaut í sköpulag 8,02, hæfileika, 8,48 og aðaleinkunn 8,30

Hann er undan Nagla frá Þúfu og gæðingsmóðurinni Bliku frá Árgerði.

Upplýsingar gefur Biggi í s 896-1249

Allar upplýsingar um Gangster frá Árgerði má finna hér neðar á síðunni og á sandholaferja.is

Skrifað af Herdis

21.07.2014 10:35

Æskan

Sælir kæru lesendur.

Sindri í keppni á æskulýðsdögum norðurlands nú um helgina, Eins og þið sjáið var búningaþema og keppti Sindri á Tón sem er undan Tristan frá Árgerði og Sónötu frá Litla-Hól.

Sumarið leikur við okkur og að landsmóti loknu tóku við meiri tamningar og heyskapur. Nú um helgina voru æskulýðsdagar á Melgerðismelum og tók Sindri þátt í því. Krakkarnir fóru í ratleiki, þrautabrautir, útreiðatúra, síðan var grill varðeldur og leikir.

Vinirnir Bjarmi og Sindri við brautarenda.

Sindri var varla búin að spretta af þegar hann þeyttist af stað til Egilsstaða en þar sem hann er farin í viku hestaferðalag með afa sínum Ármanni og njóta þess að láta ömmu Erlu dekra við sig :)

Myndirnar eru frá sunnudeginum en þá kepptu krakkarnir í keppni sem var með "firmakeppnisfyrirkomulagi" í búningum og hlaut Sindri þar fyrsta sæti :)

Sæl að sinni.

Hóhóhó,,,,,,,,

Tónn hefur verið keppnishesturinn hans Sindra frá unga aldri.

Verðlaunahending barna, Anna Sonja þjálfari þeirra stendur stolt hjá hópnum.

Skrifað af Herdís

12.07.2014 11:08

LM fréttir og myndasería

Góðan daginn kæru lesendur.

Gangster stóð sig stórkostlega á Landsmóti hestamanna, var 5 hæsti hestur eftir forkeppni A flokks með einkunnina 8,76.

Milliriðill gekk frábærlega þar sem að þeir félagar áttu glæsisýningu og uppskáru annað sætið með einkunnina 8,91 á eftir Spuna frá Vesturkoti.

Endaði hann í 6 sæti í A úrslitum í stekasta A flokk fyrr og síðar þrátt fyrir að það hafi vantað upp á að hann hafi skilað 9,5 brokkinu sínu að fullu.

Það sem er ekki minna um vert er að Gangster vakti mikla athygli og var hestur brekkunnar að margra mati, ásamt því að ekki ómerkari maður en Jens Einarsson nefndi í FB blogginu sínu að Gangster hefði verið sá hestur sem að hann hefði viljað taka með sér heim á mótinu J

Við vorum svo heppin að Jóhanna tamningakonan okkur er heimavön á suðurlandinu og útvegaði okkur frábæra aðstöðu fyrir hestinn í Hjarðartúni hjá Óskari og Ásu. Jón Páll var okkur þar innan handar og sá um hirðingu og sparaði okkur sporin.

Frábær aðstaða, fallegur staður með yndislegu fólki, kærar þakkir fyrir okkur allir í Hjarðartúni, vonandi getum við launað ykkur greiðann síðar J

Mynd tekin rétt áður en að riðið er í braut fyrir A flokks úrslitin.

Hérna kemur myndasyrpa í boði Ásdísar Helgu.

Hér eru að finna myndir út forkeppni, milliriðli og A flokks úrslitunum sjálfum.

Nokkrar myndir úr brekkunni ásamt hinum frábæra Gangstersyni Farsæl frá Litla-Garði sem spreytti sig í kynbótabrautinni við mikla hrifningu áhorfenda.

Það reyndist ansi erfitt að velja á milli myndanna, þannig að þið fáið að sjá ansi margar af ljósmyndastjörnunum okkar.

Góða skemmtun :)

Flugskeið :)

Milliriðill.

Á leiðinni í skeiðið.

Stuð á karli.

Þvílík veisla:)

Gangster og Gróði frá Naustum.

Veðrið var ekkert til að hrópa húrra fyrir.

Skrefar drjúgt.

Blörruð af rigningu og hrifningu :)

Skutlurnar :)

mæðgin :)

uppáhalds :)

Gangsterssonurinn Farsæll frá Litla-Garði undan henni Sónötu okkar stóð sig einnig frábærlega í kynbótabrautinni á Landsmóti og skartar meðal annars 9,5 fyrir fet, vilja og geðslag, 9 fyrir tölt og brokk. Glæsilegur klárhestur úr okkar ræktun sem vakti verðskuldaða athygli.

Mikið fas.

Flugrúmur gæðingur.

Efst í huga er þakklæti til allra þeirra sem hafa stutt við okkur og samglaðst.

Þakklát erum við Magna og Dísu í Árgerði sem eiga heiðurinn af bakgrunninum sem við erum svo heppinn að fá að halda áfram að rækta út af. Þetta er mikil auglýsing fyrir hrossaræktarbúin Árgerði / Litli-Garð, Bigga og Gangsterinn okkar, sem er nú fyrir vikið orðin enn þekktari í hestaheiminum.

Ásdís Helga hefur verið dyggur stuðningbolti í tamningum, markaðsmálum og fréttaflutningi í gegnum tíðina að ógleymdum Gesti dýralæknir sem er traustur og góður vinur og hefur alfarið séð um járningar á Gangster.

Gangster er í Sandhólaferju og tekur á móti hryssum þar, upplýsingar gefur Guðmar í síma 661-9112

Bestu kveðjur frá Litla-Garði

Skrifað af herdis

15.06.2014 17:16

LM farmiðar

Sælt veri fólkið.

Úrtakan fyrir Landsmót hjá félögunum í Eyfjafirði og Þingeyjarsveit var haldin um helgina. Í þetta sinn er aðeins haldin ein sameignleg úrtaka fyrir Léttir, Feyki, Funa, Glæsi, Gnýfara, Grana,Hring, Þráinn og Þjálfa.

Fór Biggi með Gangster í A flokk gæðinga og hlaut hann hæstu einkunn í forkeppni á mótinu 8,72 og farmiða inn á Landsmót.

Að þessu sinni reið hann ekki úrslit þar sem að þetta var eingöngu úrtökumót fyrir öll félögin nema Létti sem hélt sína gæðingakeppni í leiðinni.

Mirra og Gangster verða okkar fulltrúar á LM. Stórkostlegir gæðingar bæði tvö á sinn ólíka hátt.

Gangster frá Árgerði

Mirra hlaut 8,36 í byggingu, 8,34 í hæfileika og 8,35 til aðaleinkunnar. Þar af 9 fyrir hægt tölt, fegurð í reið og fyrir vilja og geðslag.

Skrifað af Herdís

07.06.2014 08:34

tvær í fyrstu verðlaun

Sælir kæru lesendur.

Tvær hryssur úr okkar ræktun fóru í kynbótadóm á Melgerðismelum nú í vikunni og fengu þær báðar í fyrstu verðlaun.

Mirra frá LItla-Garði

Mirra frá Litla-Garði sen er undan Glym heitnum frá Árgerði og Væntingu frá Ási 1. Hún var hæsta 6 vetra hryssan og hlaut jafnframt næsthæsta dóminn á allri sýningunni. Erum við mjög stollt af þessari hryssu þar sem að hún á sína sjúkrasögu og hefur fyrir vikið ekki verið þjálfuð að neinu gagni fyrr en í vetur. Á hún gríðarlega mikið inni og verður spennandi að fylgjast með hvernig hún þróast.

Mirra hlaut 8,36 í byggingu, 8,34 í hæfileika og 8,35 til aðaleinkunnar. Þar af 9 fyrir hægt tölt, fegurð í reið og fyrir vilja og geðslag,

Karen frá Árgerði

Karen frá Árgerði sem er undan Hágangi frá Narfastöðum og Kveikju frá Árgerði hlaut einnig fyrstu verðlaun, Hlaut hún 7,79 í byggingu, 8,16 í hæfileika og 8,01 til aðaleinkunnar.

Megum við una sátt við okkar útkomu og síðan er það úrtaka fyrir Landsmót næstu helgi. Þar ætlar Biggi að sýna Gangster völlinn og eiga þeir félagar að geta gert góða hluti og stefnt er á háar tölur ef að allt gengur eftir. Krossum fingur, yfir og út :)

Sæl að sinni

Skrifað af Herdis

02.06.2014 15:44

Frjósemi.

Sælir á ný lesendur góðir.

Fyrir utan það að sinna útreiðum og öðrum tilfallandi verkum, er tilhugalífið á fullu hjá Gangster þessa dagana og er orðið hluti af daglegum störfum hér á bæ.

Enn ein drottningin heimsótti Gangster, gæðingurinn Hekla frá Hólshúsum í eigu Hólmgeirs og Birnu.

Það hefur fjölgað aðeins hjá okkur síðan síðast og ætla ég að gera því skil hér.

Þessi snúður er undan Gangster og fyrstu verðlaunahryssunni Væntingu frá Ási.

Þessi var fljótskírður þar sem að hann var eins og lítill búálfur þegar hann fór á stað, vissi ekkert hvar hann átti að setja niður fæturna og veifaði þeim í allar áttir.

Fékk hann nafnið Tumi (tímalausi) :)

Klárlega fyndnasta folaldið sem hefur fæðst í ár þar sem að hreyfingarnar eru ótrúlegar, svaka framgrip og lyfta.

Fyrstu verðlaunahryssan Gletting frá Árgerði kastaði brúnum hesti.

Gletting er sammæðra Gangster. undan Snældu-Blesa dóttirinni Glæðu frá Árgerði og Tristan frá Árgerði.

Þessi litli herramaður er undan Óskastein frá Íbishóli.

Myndarhestur sem verður spennandi að sjá hvernig þróast.

Hjá þeim Magna og Dísu fæddust einnig tvö folöld nú á dögunum.

Perla frá Árgerði kom með jarpa hryssu undan Tristan frá Árgerði.

Perla er undan fyrstu verðlaunahryssunni Brynju frá Árgerði og Gusti frá Hóli.

Svolítið völt á fótunum ennþá sú stutta :)

Rúsínan í pylsuendanum kom síðan undan fyrstu verðlaunahryssunni Týju frá Árgerði.

Týja er undan Tý frá Árgerði og Hrefnu frá Árgerði.

Þessi litfagra hryssa er undan Herkúlesi frá Ragnheiðarstöðum sem að fór í flottan dóm nú rétt á dögunum.

Virkilega falleg hryssa og ekki skemmir fótalyftan.

Bestu kveðjur úr Djúpadal.

Skrifað af herdis

29.05.2014 21:31

Firmakeppni Léttis

Sælir kæru lesendur.

Ákváðum að viðra menn og hesta í dag og skelltum okkur á firmakeppni Léttis.

Blíðviðri og gleði í brekkunni. Elmar Freyr, litli gleðigjafinn hennar Ásdísar skemmti sér konunglega neð þessar blómarósir í kring um sig.

Ásdís Helga okkar var með Emílíönu frá Litla-Garði og landaði öðru sætinu í kvennaflokk.

Flottar stöllur.

Jóhanna nýja tamningarkonan okkar fór með Glymru frá Litla-Garði og varð fjórða í kvennaflokk.

þær eru báðar nýútskrifaðar frá Hólaskóla :)

Biggi ákvað að sýna Gangster völlinn og gekk þeim félögum með ágætum og hlutu fyrsta sæti í karlaflokk.

Hér kemur myndasyrpa af þeim félögum.

Gangster á fullu gasi.

Feikna stuð á þeim félögum.

Svifið í lagi.

Gangster á hægu tölti.

Sáttir með hvorn annan :)

Sáttir feðgar með gullmolann sinn:)

Bestu kveðjur úr Djúpadalnum.

Skrifað af Herdís

26.05.2014 20:16

Farsæll Gangstersonur í fyrstu verðlaun.

Eins og gengur og gerist með hesta þá vill það taka nokkurn tíma að sjá afkvæmi koma upp, allavega er það þannig hjá okkur . Hestarnir okkar hafa ekki uppkjaftaða forgjöf og þurfa því fyrst að sanna sig sjálfir í kynbótabrautinni áður en að það fara að koma hátt dæmdar hryssur til þeirra.

Þannig er því farið með hann Gangster okkar sem er þó ekki nema 8 vetra í ár. Það vorum við sjálf settum einhverjar hryssur undir ungfolann okkar og örfáir velviljugir sveitungar sem höfðu trú á ræktunarblóðinu sem er af góðum grunni reyst af hinum mikla hestamanni og fósturföður mínum honum Magna í Árgerði.

Það verður því að segjast eins og er að það gleður okkur afar mikið að sjá það á þeim tryppum sem byrjað er að eiga við undan Gangster hvað hann ætlar að skila sterkt ótvíræðum hæfileikum og myndarskap sem rekja má beint til hans.

Nú í kvöld fór í dóm hestur úr okkar ræktun hann Farsæll frá Litla-Garði 5 vetra stólpagæðingur.Hann er í eigu Magnúsar Inga Mássonar , er Gangsters sonur og algjör hæfileikabomba eins og faðir hans.

Hlaut hann í byggingu 8,0, hæfileika 8,23 og aðaleinkunn 8,14 sýndur sem klárhestur líkt og faðir hans á sínum tíma og er því komin inn á landsmót.

Þar af hlaut hann 9 fyrir tölt, 8,5 fyrir brokk, stökk og fegurð í reið. 9 fyrir fet og hvorki meira né minna en 9,5 fyrir vilja og geðslag. Og ekki er allt búið enn þar sem að yfirlitið er eftir.

Farsæll er undan brúnskjóttri hryssu sem við fengum hjá Palla Rist, Sónötu frá Litla-Hóli. Fór þessi hryssa ekki í háan dóm á sínum tíma en var mikið uppáhald hjá okkur fjölskyldunni, frábær hryssa sem allir höfðu gaman af að setjast á. Sónata hefur gefið okkur mörg sómahrossin, ég mun fjalla enn betur um hana síðar.

Af þessum sökum gleðjumst við enn meira þar sem að það sannast okkur og vonandi ykkur lesendur góðir hversu mikill stólpagæðingur hann Gangster er sem einstaklingur og afkvæmahestur.

Það verður gaman að fylgjast með í framtíðinni þegar afkvæmahópurinn stækkar og breikkar með enn sterkari kynbótahryssum.

Innilega til hamingju Magnús Ingi, þú mátt sko vera stoltur af þínum flotta gæðing J

Bestu kveðjur úr Eyjafirðinum

Herdís

Farsæl fjögra vetra. Sýndur á Melgerðismelum af ræktanda sínum Stefáni Birgi 2013.

Skrifað af Herdís

26.05.2014 12:07

Nýjir meðlimir meðal hesta og manna.

Sælir kæru lesendur.

Vorverkin potast áfram, kartöflurnar og grænmeti komið í ræktun.

Frúin skellti sér með tvo vaska menn með sér í vorhreingerningu á reiðskemmu, en þar var farið að þorna hressilega og rykast eins og gengur á slíkum stöðum.

Ekki amarlegt að fá svona góða aðstoð.

Sindri og vinur hans Óli í Hvassafelli sýndu mjög listræn tilþrif í þvottinum :)

Enn eitt folaldið hefur bæst í hópinn en það er hún Hremmsa frá Litla-Garði sem kastaði hryssu í gærmorgun. Er það fyrsta hryssan sem hún eignast, hún hefur einungis eignast hestfolöld hingað til og vorum við að sjálfsögðu meira en sátt við þá nýbreytni hjá henni,

Sú stutta er undan Ramma frá Búlandi.

Til starfa hér í Litla-Garði er komin Johanna Schulz og er hún nýbúin með þriðja árið sitt á Hólum og er því orðin reiðkennari og þjálfari C.

Hlökkum við til þess að vinna með henni í sumar og bjóðum hana velkomna til starfa.

Johanna var með Glymru frá Litla-Garði í Hólaskóla í vetur og komu þær stöllur flottar undan vetri :)

Glymra er undan Sónötu frá Litla-Hóli og Glym frá Árgerði

Gaman að sjá hvað Glymra hefur tekið góðum framförum í vetur.

Þessi glæsihryssa er til sölu. Allar upplýsingar gefur Biggi í s 896-1249

Skrifað af herdisa

23.05.2014 11:07

Sandhólaferja Gangster

Frétt frá Sandhólaferju!

Gangster frá Árgerði

Norðanhesturinn Gangster frá Árgerði verður hér á Sandhólaferju eftir landsmót. Gangster er undan Heiðursverðlaunahestinum Hágangi frá Narfastöðum og er hæðst dæmda afkvæmi hans.

Gangster er svo undan hryssunni Glæðu frá Árgerði, en hún á 4 önnur sýnd afkvæmi, öll í fyrstu verðlaunum.
Gangster var með hæðstu hæfileikaeinkunn sem stóðhesti var gefið árið 2013 og þriðju hæðstu aðaleinkunn. Gangster er fallegur og gullgóður hestur sem kemur úr þeirri gamalreyndu og góðu ræktun Magna í Árgerði.

Helsti kostur Gangsters frá Árgerði er hve jafnvígur hann er á öllum gangtegundum, með frábært brokk og fet eins gæðingum í dag sæmir. Gangster er glæsilegur í framgöngu, fangreistur og faxprúður. Á gangi er hann skrefstór, flugrúmur og öflugur.

Verð á tolli : 150.000.-kr

Skrifað af herdis

16.05.2014 13:29

Bjartar vonir vakna:)

Sælir lesendur góðir.

Held hérna áfram að lofa ykkur að fylgjast með folöldum sem fæðast, sjáum til hvort ég næ að blogga um þau öll.

Í morgun var hin mikla gæðingshryssa Von frá Árgerði köstuð gullfallegri hryssu undan Gangster frá Árgerði. Er það önnur hryssan sem að Magni og Dísa eiga undan þeim.

Von er hæðst dæmda hryssan í Árgerði í dag og er hún mörgum afar minnisstæð.

Ásdís Helga Sigursteinsdóttir sýndi hana og keppti einnig á henni með frábærum árangri hvort heldur sem var í íþrótta eða gæðingakeppni og voru þær orðnar nær ósigrandi á keppnisvellinum.

Ásdís Helga og Von frá Árgerði á Stórmóti Þjálfa á Einarstöðum 2009 en þar gerðu þær sér lítið fyrir og sigruðu bæði A flokk gæðinga og tölt.

Lítil dama fædd 16 mai 2014 Bjartar vonir vakna :)

Gangster með alla sýna hæfileka og glæsileik á móti hæfileikabombunni henni Von. Það hlýtur að koma eitthvað gasalegt út úr því :)

Þetta er eflaust það sem heldur lífinu í ræktendum, það er þessi sterka von og trú um að geta skapað eitthvað undursamlegt með réttri blöndun.

Skrifað af herdis

14.05.2014 16:24

Stína tamningarkona

Sælir lesendur góðir.

Í vetur hefur starfað hjá okkur ung snót út Húnavatnssýslunni hún Kristín Birna Sveinbjörnsdóttir.

Hefur hún gengt hér allri mögulegu vinnu sem snýr að hestum sem og öðrum sveitastörfum.

Á morgun er hennar síðasti vinnudagur í Litla-Garði og heldur hún heim þar sem að hún ætlar að fara að vinna við hjúkrun á sjúkrahúsinu á Hvammstanga.

Þökkum við Stínu kærlega fyrir veturinn og vel unnin störf. Stína þú ert frábær og haltu áfram á sömu braut :)

Stína hefur meðal annarra hrossa þjálfað Viðju frá Litla-Garði seinni parts veturs.

Læt fylgja með myndir af þeim stöllum.

Viðja er undan fyrstu verðlauna hryssunni Tíbrá frá Ási og Kjarna frá Árgerði.

Skrifað af herdis